سنڌي ادب

سنڌ جي ناليواري ليکڪا ڊاڪٽر پروين موسيٰ ميمڻ ڪنهن تعارف جي محتاج ناهي. هن سنڌي ادب ۽ ٻوليءَ جي حوالي سان ڪافي ڪم ڪيو آهي. هن سنڌي ادب جي مختلف موضوعن تي 10 کان وڌيڪ ڪتاب ڇپرايا آهن. تازو سندس نئون ڪتاب ”سنڌي ادب“ ايم سي ڪيوز معروضي سوالن ۽ جوابن تي ٻڌل آهي. هي ڪتاب سي ايس ايس، پي سي ايس، ايم اي سنڌي، ليڪچرار، تحريري ۽ زباني امتحانن لاءِ خاص طور تي لکيو ويو آهي. ڪتاب جي 14 بابن ۾ اٽڪل 2 هزارن کان مٿي معروضي سوال ۽ جواب آهن. ليکڪا موجب ڪتاب سي ايس ايس جي 2015ع جي تبديل ٿيل نئين نصاب مطابق آهي. 256 صفحن تي ٻڌل هن ڪتاب جي قيمت 350 رپيا رکي وئي آهي.